Asteburuan Nafarroaren batasuna aldarrikatzeko Nafarroaren Eguna burutuko da Baigorrin (Baxe Nafarroa). Euskal Herri osoaren lurraldetasunaren alde Trapagarango gazteria (20 gazte) ere bertaratuko gara.

Ostiralez irtengo gara Trapagarandik Baigorrirantza.

LARUNBATEAN goizean Munhoa mendia egingo dugu. Garazi eta Baxe Nafarroa guztiko paisaiaz gozatzeko.

Arratsaldean aldiz Arberoako (Baxe Nafarroa) gazteekin rock´n roll ikastaroa.

Ondoren Nafar afaria Aldudeko Errekagorri ostatuan.

IGANDEAN NAFARROAREN EGUNA Baigorrin, animaleko besta basatia!! Jo ta hautsi eguna hasten denetik gaua ongi sartu arte! Kanta eta dantza!!

Aspaldi esana du sarri zaharrak, "Euskara da gure territorio libre bakarra".

Izan ere, euskararen bidez hausten ditugu gure herria bereizten duten sasi mugak, euskarak egiten gaitu euskaldun, euskarak aske eta euskarak EUSKAL HERRI.

Benetan horrelako egunetan, mugaz gaineko euskaldunak elkartzen garenean, festa elkarrekin egiten dugunean, elkar kantatu, dantzatu, irri eta ulu egiten dugunean gara HERRI.

Izan ere gu baikara…

Iragan larunbatean Areatzan jokatuzen herri kirol arteko desafiaoan etxekoak nagusitu baziren ere, Osteko poteo, afari, dantzaldi eta kantaldian giro ona nabarmendu zen.

Bi herrietako gazteek elkarrekin festa giroan, beren herrietako dinamikak ezagutu zituzten.

Baina ororen gainetik, Euskal Herriak irabazi zuen. Berriz ere erakutsi baitugu euskal gazteen artean ez dugula mugarik nahi; Trapagarango gazteak bagarela nor gainontzeko euskaldunekin bat, inolako konplejurik gabe eta gure berezitasunak aportatuz biharko Euskal Herria eraikitzeko.

TRAPAGARAN EUSKALDUNA, EUSKAL HERRI BATUAN!

Trapagarango gazteriak herri kirol desafioa jokatuko du larunbatean Areatzakoen aurka. Lehia arratsaldeko 17:30etan izango da Areatzako plazan.

Iazko neguan hasitako dinamikari jarraiki, bi herrietako gazteen arteko harremanak sendotu asmoz festa eta kirol jardunaldiak egingo dira Areatzan. Kiroletan denetarik izango da, lasto altxatze, harri jasotze, trontzalari, ingude, txinga, zama lasterketa… 

Egitarau sendoa 

17:30etan HERRI KIROL DESAFIOA plazan

19:00etan POTEO MARATONIANOA

21:30etan AFARI OLINPIKOA

23:00etan ERROMERIA 

Harreman iraunkorrak

Bi herrietako gazteen arteko harreman iraunkorrak egitea da helburu, aldian aldian errepikatuko direnak. Hortarako heldu den neguan Trapagarango gazteriari tokatuko zaio desafioa antolatzea. Betiere jai eredu alternatibo eta partehartzaile bidez, gazte mailan euskara sustatu eta lurraldetasun ikuspegian sakontze aldera. 

Apirilean hasirik Trapagarango euskal mugimendu herritarraren historia plazaratuko da Basetxean.

Katearen begiak: Herriaren borroka luzearen kontakizuna
Jardunaldi hauetan Foruen (1876) galeratik orain arte Trapagaranen, herriaren alde egin duten sektoreek  sortutako proiektu, egitasmo eta pentsamoldea plazaratuko da.
Bertan garaian garaiko kaleko giroa eta gizarteko kezkak azalduko dira. Herriko jende konprometituak, historialariek, irakasleek eta abar parte hartuko dute.

 Apirileko hitzaldiak:

Apirilaren 13an iluntzeko 20:30etan

KOLDO AZKUE (historialaria)

GAIA: “Comienzos del movimiento nacionalista vasco en Trapagaran, desarrollo y guerra civil”

Apirilaren 20ean iluntzeko 20:30etan

MARTXELO ALVAREZ (ahaztuak)

70.hamarkadako Rock n´roll doinuak ematen dituen Inbiot taldeak joko du ostiralean gaztetxean

Kontzertua iluntzeko 22:30etan hasiko da, beraz, gaugiro goxo bat igaro nahi baduzu, badakizu: hurbildu Basetxera!.

Trapagarango Basetxe gaztetxea gailendu zen joan den larunbatean jokatu zen Mendebaldeko I.sokatira txapelketan. Escontrilla eta Balamasedako Ekintza gazte asanbladaren lana ere bikaina izan zen.

Eguraldia lagun, oso ondo burutu zen iragan larunbateko sokatira txapelketa. Parte hartzea altua izan zen eta herri desberdinetako 80 gaztek parte hartu zuten.

Txapelketaren ondoren triki poteo jendetsua eta gaztetxean afaria eta bertso kabareta egin ziren, trikitixaz lagunduta giro eder batean.

Sokatira txapelketaren lehenbiziko harria jarrita dago, orain hurrengora itxaron beharko…

Basetxe gaztetxeak antolaturik 80 gazte inguru bilduko dira datorren larunbatean Trapagarango Arkotxa plazan.

Sokatira aitzaki harturik mendebaldeko gazteria bizia festa giroan elkartzea da Basetxeko kideen helburua. Mendebaldea Barakaldotik hasi (Ibaizabal ibaitik) Lanestosara zabaltzen den lurraldea da, 3 eskualde hartzen dituelarik bere baitan, Ezkerraldea, Meatzaldea eta Enkarterri. eremu hortakoa bazitugu eta oraindik izena eman ez baduzu bidali zure taldearen izena sokatira@gaztesarea.net helbidera!

Kanporaketa arrastiko 18:30etan hasiko da eta ondorengo herrietako gazte kuadrilek parte hartuko dute:

1-Basetxe gaztetxea (Trapagaran)

2-Korrika (meatzaldeko AEK)

3-Escontrilla (Trapagaran)

4-Ortuellako gazteria

5-Urioste HERRIA

6-Kadagua (Zalla+Sodupe)

7-Jarrilleroak (Portugalete)

8-Abantoko gazteria

9-Sestaoko gazteria

10-Balmasedako gazteria

Ondoren trikipoteoa izango da, herriko tabernetan barna, Arkotxa plazatik hasita.

Amaitzeko AFARIA+BERTSO KABARETA

Azkenik iluntzeko 22:30tan AFARIA eta bertso kabareta izango ditugu Basetxean. Bertso kabareta Oihane Perea, Iratxe Ibarra eta Onintza Enbeitak egiten duten bertso ikuskizun berritzaile, musikatua da. Oraindik bada txartela eskuratzerik La terraza, Ilargi edo Maite tabernetan.

Eta gero JAIA GAZTETXEAN!!! 

Animatu eta etorri!!!

Atzo iluntzeko 21:30tatik aurrera Arto Artian musikari txikien plataformaren aurkezpen kontzertua ikusteko aukera izan zen basetxe gaztetxean. 30 lagun inguru elkartu ziren Xedh taldearen soinu intentsitate industrialak eta Etenen rock inprobisatua entzuteko.  

Xedh taldea izan zen aurrena jotzen, ordenagailu aurrean jarrita era guztietako soinu eta efektuak entzuteko aukera emanez.

Etenek aldiz, eszenatokitik at jarririk, jende artean jo zuen, bateria, alboka, tronpeta zein beste zenbait instrumentu tartekatuz.

Dudarik gabe musika minoritarioa, arraroa eta txikia baina ezagutzeko interesgarria. Herriko gaztetxeak bultzatu nahi duen jendarte alternatibo, dibertso eta bizian beste katebegi bat. 

Arto artian musika plataformak antolaturik musika kontzertuak egingo dira gaztetxean Martxoaren 9an

ArtoArtian: musikari txikien plataforma
Arto artian, musikaren alorrean, autoekoizpenaren eta diskoetxe txikien artean gabiltzanen lanari bultzada bat emateko asmotan sortutako katalogo itxurako plataforma da.